Verkefnastjóri að láni

Fáðu reyndan verkefnastjóra að láni – í því umfangi sem hentar þínum rekstri.

Verkefnastjóri að láni tekur utan um verkefnið frá upphafi til enda og tryggir að markmið, ábyrgð, tímarammar og næstu skref séu skýr. Þú færð reyndan verkefnastjóra sem kynnist verkefninu og fyrirtækinu, heldur utan um alla þræði og vinnur með teyminu að því að verkefnið skili tilætluðum árangri.

Verkefnastjórar í samstarfi við Hoobla hafa fjölbreytta reynslu af verkefnastjórnun og geta komið inn á öllum stigum verkefna, hvort sem þörf er á að skipuleggja nýtt verkefni, leiða framkvæmd þess eða koma verkefni sem þegar er hafið aftur á rétta braut.

Verkefnastjóri að láni getur meðal annars:

Skilgreint umfang, markmið og verkáætlun
Skipulagt verkefni og forgangsraðað verkefnum
Sett upp tímalínu, áfanga og skil
Haldið utan um kostnað og fjárhagsáætlun verkefnis
Skilgreint hlutverk og ábyrgð innan verkefnateymis
Stýrt verkefnateymi og samhæft ólíka aðila
Haldið utan um fundi, ákvarðanir og eftirfylgni
Fylgst með framvindu, áhættu og frávikum
Tryggt upplýsingaflæði til stjórnenda og annarra hagaðila
Leitt verkefnið að skilgreindum verklokum

Þjónustan er sveigjanleg og umfangið fer eftir þörfum hvers fyrirtækis, hvort sem þig vantar verkefnastjóra í afmarkað verkefni, nokkrar klukkustundir í viku, ákveðið starfshlutfall eða tímabundið á meðan á stærra verkefni eða breytingum stendur.